المساعدة - البحث - قائمة الأعضاء - التقويم
تربية الحمام
منتديات شئون مصرية > موضوعات متنوعة > الترفيـه والفكاهـه > الهوايات
سمـ مصر ــا
تربية الحمام من أمتع الهوايات وقد أحببتها من خلال شغف إبنى بها

بدأت الهواية عندة بتربية جوز حمام من نوع هزازى هندى ثم بدأت تكبر غية الحمام وتزيد

حتى أصبحنا جميعاً عشاق لوجود الحمام فى بلكون البيت وعشاق لسماع صوتة الجميل

والمكان الذى تضع فية الحمام مهم جداً إختيارة فلابد أن يكون منة لأشعة الشمس على طول

يعنى مكان مكشوف ولذا وضعناة فى بلكون غرفة إبنىو حتى يكون قريباً منة

ويجب وضع قفص كبير يتناسب مع العدد الإجمالى للحمام مع تخصيص عش لكل زوج

ويتم فرش أرضية العش بنشارة الخشب الخشنة

ولمن يريد أن يبدأ فى تربية الحمام أنصحهم بالبدء بشراء أنواع رخيصة حتى يكتسب الخبرة أولاً فى تربية الحمام

زى الحمام البلدى ( البغدادى ) سعرة رخيص

وبعد ذلك يقتنى الحمام متوسط السعر مثل الكينج والتركى

غذاء الحمام

ممكن وضع الذرة البيضاء والقمح والعدس يعنى لو ربينا فى شئون حمام حينبسط قوى لأن العدس متواجد

بكثرة فى شئون مصرية biggrin.gif

ودى صورة لبعض أكل الحمام

user posted image

وممكن كمان تعود الحمام من صغرة على أكل الخبز الناشف المكسر وكدة متتكلفش فلوس كتير

لأن الحمام يستهلك أكل كتير

ولأبد من الأهتمام بوجود ماء نظيف بصورة دائمة

وفى الموضوع القادم سأستعرض بعض أنواع الحمام مع الصور

وأتكلم عن بعض الأمراض وعلاجها

انتظرونا فى الحلقة القادمة cool.gif

مرفق صورة من حمام مهاب إبنى وسبحان الله ريشة ملفوف بطريقة بديعة


user posted image

user posted image

user posted image
حشيش
ربنا يبارك لك فى مهاب ويحفظه لكى وتعيشى لغاية لما تشوفيه إمبراطور الحمام فى مصر wub.gif ... موضوع ممتع ياسما مصر أشكرك جداً عليه وفى إنتظار التكملة 01!!8.gif .... ما تغيبيش علينا blink.gif
سمـ مصر ــا
الله يكرمك ياحشيش ويبلغك أملك فى أولادك



مصرية يعني مصرية
موضوع رائع

يلا يا سما ورينا بقيت الأوضة قصدي الحمام

أصل أوضة مهاب جميلة أوي

باين إن ذوقك حلو في كل حاجة يا حبيبتي

ماشاء الله h!!h.gif

ربنا يحفظك و يحفظ أولادك و أبوهم praying.gif
Prof
ايه الحمام الرائع ده.. ماشاء الله وسبحان الخلاق..
ياريت يا فندم لو كمان شوية صور زي دول وتديلنا نبذة عن نوع الحمام ده وما يتيسر من معلومات يعني.
بس اما نفتح الباب بأة..

حشيش
شكراً لتجاوبك.. عندي صورة أشعة بأة يا حشيش.. انما ايه.. بص هاخليها مفاجأة.. wacko.gif
سمـ مصر ــا
استكمالأ للحديث عن هواية تربية الحمام

نتحدث عن مرض الزكام
ودة ممكن يصيب الحمام نتيجة بلل العش أو عدم التهوية الجيدة
والأعراض بتكون أفرازات من الأنف وصعوبة فى التنفس وفقدان الشهية
والعلاج بيكون بإستخدام مضاد حيوي ممكن الحصول علية من صيدلية بيطرية
وغالباً بيكون أكياس بودر توضع فى الماء
user posted image

طبعاً فى حالة الاصابة بالرشح فلابد من رفع ماء الاستحمام من عش الحمام

وعزل الحمامة المرضية حتى لاتعدى الباقين

user posted image



farida
الله يا سما بحسها هواية فيها رقة جاية من وداعة شكل الحمام smile.gif

امور اوي شكله wub.gif

معاكي كملي يا سما nerddd.gif
Prof
واحدة واحدة...
ممكن الأول نبذة عن أنواع الحمام.. وياريت بالصور أو الوصف.. وخواص أو مزايا كل نوع..

كمان سؤال.. مرة رحت سوق الجمعة بتاع السيدة عائشة ووجدت هناك ناس كتير جداً بيبيعوا حمام ويشتروا ويتفرجوا..
هو سوق الجمعة ده يعتبر منطقة تجمع مركزي لهواة الحمام والا فيه أهم منه والا ايه الحكاية..

مع الشكر والنفاذ cool.gif
hopsan
موضوع جميل يا سما
انا ربيت حمام زمان و كان من النوع المالطى و أمى الله يرحمها كانت بتشتكى من الفاش احسن يدخل البيت .... بس لما شافته بيمشى على إيد اخويا الصغير حلفت ميت يمين انه الحمام ده يمشى من البيت أحسن نلاقيه تانى يوم على الغدا .... بابا الله يرحمه سربه و من يومها ممنوع تربيه حمام تانى
تسجيل متابعه
oskasan
قولي لنا يا سما
الحمام بتاع مهاب ينفع بالفريك ولا الرز معا أفضل ؟


سمـ مصر ــا
الحبيبة فريدة أشكر لك المتابعة 01!!8.gif


كمان سؤال.. مرة رحت سوق الجمعة بتاع السيدة عائشة ووجدت هناك ناس كتير جداً بيبيعوا حمام ويشتروا ويتفرجوا..
هو سوق الجمعة ده يعتبر منطقة تجمع مركزي لهواة الحمام والا فيه أهم منه والا ايه الحكاية..

الأخ الفاضل بروف

فى الحقيقة أنا معرفش أسواق مصر لأنى فى الخليج من زمان
لو عرفت انت الاسواق قولى




قولي لنا يا سما
الحمام بتاع مهاب ينفع بالفريك ولا الرز معا أفضل ؟


والله يا oskasan مجربتش بس أظن أن طعمة حيكون كويس
الحلو فى الموضوع يا أوسكا أن فية حمام من برة بيجى وكمان بيقعد ويبيض ويفقس

بس ياترى وضعة القانونى اية فى حالة وضعة فى الحلة
hopsan
اقتباس (سمـ مصر ــا @ Feb 5 2007, 11:46 PM)


بس ياترى وضعة القانونى اية فى حالة وضعة فى الحلة

حلالالالالالالالالالالالال يا اخت سما و خصوصا لو كان محشى زغاليل او فريك و متحمّر بالسمن الصعيدى المفتخر
( دى فتوى الشيخ الشريب ) بتاع شئون
سمـ مصر ــا
اقتباس (hopsan @ Feb 6 2007, 12:41 AM)
اقتباس (سمـ مصر ــا @ Feb 5 2007, 11:46 PM)


بس ياترى وضعة القانونى اية فى حالة وضعة فى الحلة

حلالالالالالالالالالالالال يا اخت سما و خصوصا لو كان محشى زغاليل او فريك و متحمّر بالسمن الصعيدى المفتخر
( دى فتوى الشيخ الشريب ) بتاع شئون

thinkkkkk.gif

thinkkkkk.gif

18_-_)!.gif 18_-_)!.gif biggrin.gif biggrin.gif 18_-_)!.gif 18_-_)!.gif
ragab
جربت تربية الحمام
وأكرمنا الله به وكنت سعيدا به
ولكنه انتكس فجأة
والقصة
أنى كنت استأجرت فيلا بالشارقة بشارع العروبة مملوكة لأحد الشيوخ
ووجدت بحديقتها الخلفية عشة خشبية أنيقة
فأشار على أحد الأصدقاء باستغلالها فى تربية حمام أو أرانب
وخاصة أن حمام الأكل سلعة لم تكن متوفرة وقتها فى الإمارات
وأحضر لى جوزين حمام ذكور واناث
وكلفت أحد الأشخاص فى العمل برعايتهم وتنظيف فضلاتهم دوريا
وتكاثر الأربعة الى أن وصلوا إلى مايقرب من خمسين جوز
وشبعنا أكل حمام وكنت أهدى به الأصدقاء
ولكن فجأة انتشر فيه الجدرى
فتخلصت منه فورا وهدمنا العشة وطهرنا مكانها
يبدو
أن حبس الحمام داخل العشة يجعل مقاومته ضعيفة
ويجعله أكثر عرضة للإصابة بالأمراض

الحمام من أعظم الأكلات وخاصة المحشى بالفريك أو الأرز
وكانت والدتى رحمها الله أستاذة فى طهى الحمام

شكرا
ياسما على هذا الموضوع
الذى جدد لنا الذكريات الجميلة
01!!8.gif
Prof
thinkkkkk.gif
غريبة..
أنا كنت فاكر ان حمام التربية غير حمام الأكل.. مش عارف ايه الفرق بس أعتقد لحم حمام التربية بيكون طعمه غير مستساغ زي حمام الأكل..
أفيدونا أفادكم الله أحسن تحصل مجزرة.. wacko.gif
gatita
هو الحمام ده بيروح للطوافيور و الا ايه blink.gif
finetouch
الحمام انواع كثيرة ومنها انواع ثمينه وهذة تربى فقط للهوايه.
اما الاكل فيفضل اكل الزغاليل قبل ما يتعلموا الطيران لانهم لما يبتدوا يطيروا لحمهم بيتحول لعضلات قويه ويصبح لحمهم جامد فى الطهى.
ولابد فعلا ان يطير الحمام والاحسن ان يكون فى مكان مغلق كبير حتى لا يختلط بطيور اخرى تنقل له امراض
وعند تربيه الانواع الثمينه لابد من الاحتفاظ بسجلات ويدون فيها العش برقم والام والاب برقم و النتاج برقم وذلك بدبله خاصه مكتوب عليها تلبس فى احد ارجل الطائر حتى نضمن انتاج جيد ونعرف التسلسل الوراثى للمجموعه.
ومن الممكن اخذ بيض الانواع الثمينه ووضعه تحت اىزوج ( فلاحى )
مثلا لان الفلاحى بياكل الزغليل بسخاء و حتى لاتبذل الام الثمينه مجهود يرهقها وتستطيع وضع بيض وهى فى كامل صحتها.
وحيث ان الحمام من الطيور التى لابد ان تكون تغذيتها من الام (كل الطيور التى تطير وعشها لابد ان يكون عالى وليست كالدجاج مثلا عندما يفقس ياكل لوحده)من الممكن ان ياخذ المربى الزغليل بعيدا عن الام ويغذيه على سبيل المثال بسرنجه كبيره وشرب الماء ايضا كذلك ولكن لان الام يكون اكلها للزغلول مخنلط بلعابها يوجد فيه انزيمات الهضم وممكن تعويض ذلك (عفوا) بلعاب الانسان. واهم شئ التوازن فى التغذيه حتى لاتسمن الام ولاتستطيع وضع بيض,

ونراكم قريبا انشاء الله.
ragab
اقتباس (finetouch @ Feb 6 2007, 04:41 PM)
ولكن لان الام يكون اكلها للزغلول مخنلط بلعابها يوجد فيه انزيمات الهضم وممكن تعويض ذلك (عفوا) بلعاب الانسان. واهم شئ التوازن فى التغذيه حتى لاتسمن الام ولاتستطيع وضع بيض,

معلومة جديدة
لم أكن على علم بها
وخاصة لعاب الأم
شكرا
01!!8.gif
ragab
اقتباس (Prof @ Feb 6 2007, 12:28 PM)
thinkkkkk.gif
غريبة..
أنا كنت فاكر ان حمام التربية غير حمام الأكل.. مش عارف ايه الفرق بس أعتقد لحم حمام التربية بيكون طعمه غير مستساغ زي حمام الأكل..
أفيدونا أفادكم الله أحسن تحصل مجزرة.. wacko.gif

على حد علمى
أن الحمام البلدى والذى ربيته
هو الذى يؤكل
أما حمام الغية والزاجل وغيره
ربما له وضع وشأن آخر
وعامة كما ذكرت الأخت فاين تتش
أنه من الممكن أكل زغاليل جميع أنواع الحمام
قبل بداية طيرانها وقبل أن تقوى عضلاتها
حتى تكون لينة فى الأكل
ولكن من المستحسن
اقتصار الأكل على البلدى
الذى يتغذى بواسطة مربيه
ولا يلتقط أكله من الخارج
والله أعلم
oskasan
اقتباس
هو الحمام ده بيروح للطوافيور و الا ايه 

---------------------------------


طوافيور blink.gif
العلم نور يا جاتي
يعني ايه طوافيور
تكونشي كوافير
انتو بتطوفور شعركم بالطوافيور ))3((.gif
عشان كده شعرك واقف عل 3.5 سم مش بيكبر عن كده

يالنافوخ بتاع الأنا
finetouch
اخويا رجب انا اخوك فاين تاتش مش اختك فاين تاتش نسيت الشاى الكشرى والمعسل التفاحه؟ ( والله مادقته) . تصبح على خييييييير.
ragab
اقتباس (finetouch @ Feb 6 2007, 08:59 PM)
اخويا رجب  انا اخوك فاين تاتش مش اختك فاين تاتش  نسيت الشاى الكشرى والمعسل التفاحه؟ ( والله مادقته) . تصبح على خييييييير.

معلش
العتب ع. النظر
لمحت الإسم الرائع
واللمسة الجميلة finetouch
فاعتقدت أنك زهرة جميلة
واتضح أنك أخ كريم
وابن أخ كريم

عذرى وتحياتى
01!!8.gif
سمـ مصر ــا
اقتباس (ragab @ Feb 6 2007, 06:01 AM)
جربت تربية الحمام
وأكرمنا الله به وكنت سعيدا به
ولكنه انتكس فجأة
والقصة
أنى كنت استأجرت فيلا بالشارقة بشارع العروبة مملوكة لأحد الشيوخ
ووجدت بحديقتها الخلفية عشة خشبية أنيقة
فأشار على أحد الأصدقاء باستغلالها فى تربية حمام أو أرانب
وخاصة أن حمام الأكل سلعة لم تكن متوفرة وقتها فى الإمارات
وأحضر لى جوزين حمام ذكور واناث
وكلفت أحد الأشخاص فى العمل برعايتهم وتنظيف فضلاتهم دوريا
وتكاثر الأربعة الى أن وصلوا إلى مايقرب من خمسين جوز
وشبعنا أكل حمام  وكنت أهدى به الأصدقاء
ولكن فجأة انتشر فيه الجدرى
فتخلصت منه فورا وهدمنا العشة وطهرنا مكانها
يبدو
أن حبس الحمام داخل العشة يجعل مقاومته ضعيفة
ويجعله أكثر عرضة للإصابة بالأمراض

الحمام من أعظم الأكلات وخاصة المحشى بالفريك أو الأرز
وكانت والدتى رحمها الله أستاذة  فى طهى الحمام

شكرا
ياسما على هذا الموضوع
الذى جدد لنا الذكريات الجميلة
01!!8.gif

فى حالة الاصابة بالجدرى أخى رجب كان لازم تجرب العلاج الموضعى والعلاج العام

وكان لازم تستعمل مضاد حيوى قوى مثل oxytertracyclin ووضعة فى الماء لو كان بودر

أو إنجكشن بتعطى كل حمامة جرعة أولية عضل وبعد كدة تكمل بالبودر فى الماء

تانى خطوة علاج موضعى لكل طائر بتنظيف الحبوب الموجودة على الوجة بالليمون

والطريقة دى بتعطى نتيجة أكيدة وكان خسارة أنك تهد م العشة وتتخلص من هذة الكمية وخصوصاً

أنها كانت بتعطيك أنتاج كويس وكان لازم تحط فى الاعتبار أن جدرى الحمام لاينتقل للأنسان وعلية مكنش فية داعى للخوف

أتمنى لو فية مكان عندك أنك تحاول تربى مجموعة تانية لأن تربية الحمام هواية ممتعة
سمـ مصر ــا
اقتباس (gatita @ Feb 6 2007, 01:19 PM)
هو الحمام ده بيروح للطوافيور و الا ايه blink.gif

أكيد قصدك الكوافير

wub.gif

لا gatita سبحان الله الحمام مخلوق بالشكل البديع دة

finetouch
الشكر لمن تعلمنا منهم يا اخى رجب . 01!!8.gif
finetouch
احببت ان اضيف لعلاج الجدرى يعمل مس بقطنه مشبعه بمحلول الاكريفلافين وممكن الحصول عليه على هيئه بودر من تجار الكيماويات .
ragab
الحقيقة
درنات وحبيبات الجدرى على وجه الحمام
أصابتنى بالقرف
وجعلتنى أفكر فى علاج نفسى نفسيا من الشعور بالقرف
قبل علاج الحمام
وجعلتنى أقاطع أكل الحمام لمدة عام
إلى أن نسيت
diab
انفلونزا الطيووووووووووووووووووووووور


هاتششششششششششششششسسسسسس
يرحمكم الله
طيب cofe(((.gif
gatita
اقتباس (oskasan @ Feb 6 2007, 06:31 PM)
اقتباس
هو الحمام ده بيروح للطوافيور و الا ايه 

---------------------------------


طوافيور blink.gif
العلم نور يا جاتي
يعني ايه طوافيور
تكونشي كوافير
انتو بتطوفور شعركم بالطوافيور ))3((.gif
عشان كده شعرك واقف عل 3.5 سم مش بيكبر عن كده

يالنافوخ بتاع الأنا

ايوة يا اسكسان كوافور مش عارفة الطا طلع هناك ازاي unsure.gif

مال شعري ايه الحقد ده يا اخوانا 1(()).gif
سمـ مصر ــا
خرج من البيض فروخ جديدة لحمام من نوع الكينج وهذة هى صورتهم على يد إبنى

user posted image

صورتهم بعد معركة مع والدهم والذى حاول ضربى بجناحة بقوة

هذة الفروخ الجميلة يطعمها والديها لمدة شهر تقريباًوممكن قبل الشهر مايخلص

تبدأ هذة الصغار فى التقاط بعض الحبوب بالإضافة لتغذيتهم عن طريق الوالدين

وسبحان الله عندما يجد الوالدين أن هذا الفرخ قادر على إطعام نفسة يتركوة

حتى وأن تقرب منهم حتى يطعموة فأنهم يبعدوة عنهم

وتقريباً بعد مرور شهر نضعة فى مكان لوحدة

gatita
ايه العسل ده wub.gif
.
Invision Power Board © 2001-2014 Invision Power Services, Inc.