IPB

مرحبا بالضيف ( دخول | التسجيل )





13 الصفحات V   1 2 3 > »   
Reply to this topicStart new topic
> استصلاح الاراضى الصحراوية .., حلم ابيض و لا اسود
banboty
المشاركة Feb 26 2008, 12:40 PM
مشاركة #1


عضو مميز
****

المجموعة: Members
المشاركات: 3,276
التسجيل: 23-January 05
البلد: مصر المحروتة المهروسة
رقم العضوية: 1,345



اكرم


قرات لك في مداخلة سابقة

تجربة خاصة بك لاستصلاح ارض صحراوية في الاسماعيلية

ممكن تحكى لنا ابرز ما صادفته من صعوبات و مشاكل و معوقات و الاخطاء التى وقعت فيها و الدروس المستفادة

و هل التجربة تستحق المعاناة ...

لان الفكرة بتدور في دماغى في طبق بنور و محتاجة تطلع للظهور و لا اروح اركب حنطور

و أنسى



--------------------
بلدنا في القلوب متشالة
مهما تضيق عليها الحالة





اكتوبر يا ريس صار عتيق ..
و انتصاره فينا عمال يضيق ..

و الشعب تحت الارض خايف يتسجن .
و التهمه انه عاش برىء


-------------------------------------------------------------------



--------------------------------------------------------------
عيوننا إليك ترحل كل يوم

Go to the top of the page
 
+Quote Post
Akrum
المشاركة Feb 26 2008, 08:33 PM
مشاركة #2


عضو مميز
****

المجموعة: Members
المشاركات: 7,111
التسجيل: 11-January 02
البلد: بلاد الله واسعة
رقم العضوية: 2



بداية .. قل ما تتورط مع اي شركة ..أو حتي تاخد ارض من المحافظة او الحكومة .. تأكد من توفر المياة .. هتسمع كلام عن توفر المياة والترع ومأخذ فتحت ...إلخ .. لاتصدق .. روح وعاين الاول .. لكون البلد علي ما يبدو .. اهملت تنمية سيناء عدا السياحة بجنوبها .. قال وراح يعمر توشكا !!! طيب ما سينا اقرب !! نسيب الحكاية دي يبقي يرد عليها التاريخ ...

في الاسماعلية تقع اراضي صحراوية في شرق قناة السويس .. بمنطقة القنطرة شرق .. تقع في زمامها .. وتعتمد تلك الاراضي علي مياة ترعة جابر وزايد القادمة من فرع دمياط بعد خلطها بمياة صرف الزراعة وتمر من اسفل القناة لتروي اراضي سيناء ..
المشكلة ان حتي الآن .. المياة لم تضخ بصورة كاملة في الترع .. وكلها مراحل تجريية .. كما ان الكهرباء لم تدخل ايضا .. وهي في غاية الاهمية لتشغيل طلمبات المياة لرفعها من الترع او البيارات ..حيث الري بالرش والتنقيط .. الارض بكر وزي ما قلت لك اضمن المية .. بس ..
طبعا هناك معوقات وتحديات مثل شغل البلطجة لتطفيش الناس طمعا في اراضيهم او احالة البدو عليهم لقبض اتاوات بزعم ان تلك اراضيهم .. حتي لو كنت واخدها من الحكومة .. والامن في تلك المناطق موسمي .. وليس دائم واقرب نقطة شرطة قد تقع علي بعد عشرات الكيلوامترات .. ويكفي ان تعلم بان اشقياء البدو .. لديهم اسلحة وايضا لديهم سيارات بدون نمر .. يشقوا بها عباب الصحاري ..

الاراضي في مصر الان يحكمها مافيا .. كل من يفلح بان يضع يده علي ارض او يأخذها بثمن بخس بغية التعمير والاستصلاح .. يحاول ان يستفيد منها قد المستطاع باستنزاف الحالمين امثالنا في امور تبدو وجيهة ولكنها كمن يبني في ملك غيره .. يعني كنت خصصت 10 افدنة ولك ان تتخيل ان تنتقص لخمسة لكون هناك مصروفات للمراوي ومد شبكة وهمية لازالت حتي الان لم تنشئ في ارضي .. والكلام ده يمكن من 5 سنوات او اكثر .. ولو عايز تشتكي .. ياطول سلامة ونزاهة المسئولين بداية من امن او قضاء مسيس .. لكن محتمل ان الفلوس لو متوفرة لديك تحسم لك المسألة .. واعتقد ان شاب مكافح مثللك لن يقدر علي دفع الاكرميات والرشاوي وما يلزم لتسهيل المسائل وهي بطبيعة الحال ستجعل تلك المصروفات لكثرتها وضخامتها اي مشروع زراعي يفشل بالثلث .. ده لو كنت بتفكر في جدوي اقتصادية من المشروع !!!!.

انا كنت فكرت اروح بعيد مثل سيناء في القنطرة شرق .. يعني بعيد عن اي منطقة يكون فيها الطمع .. لقيت هناك سمك بساريا .. عايز يبقي هامور او حوت .. ويتكسب من نفسه برضه حاكم ده سلو البلد .. وبعد ما كان بشبشب .. اصبح لديه بدل السيارة اثنين !!!. ده غير المستخبي ..
عن نفسي المشروع جمد ولازالت احلام علي ورق .. والرملة زي ما هيه .. منذ تحرير سينا .. واعتقد انها ستبقي كذلك .. فيه ناس في مصر عايزة كده .. يسيوا سينا ويروح توشكا اللي يربط القرد فيها يقطع من حرارة الجو هناك !!! وبعدها علي الدنيا ..

لو معاك قرشين ..لاتحاول ان تضعهم في اراضي استصلاح ... اوعي ... وقد اعذر من انذر .. حتي اشعار آخر .. لكن دلوقت لا اعتقد ان فيه امل .. ممكن تجرب في مناطق آخري .. مثل الواحات .. وسيوة .. بعيدة صحيح .. لكن اراضي رخيصة والمياة متوفرة ... ويمكن يكون مافيا الاراضي زاهدة فيها اليومين دول لبعدها ... جرب هناك ولكن لا تحاول ان تغامر باموالك كلها .. القرش اليومين دول في مصر اعز من الولد .. وعلي رأي الكبير .. في موسم الانتخابات .. بيقول لك خليهم يطلعوا فلوسهم !!!!!.

تصور ده فكر يمشي بلد ..

Go to the top of the page
 
+Quote Post
banboty
المشاركة Feb 27 2008, 09:49 AM
مشاركة #3


عضو مميز
****

المجموعة: Members
المشاركات: 3,276
التسجيل: 23-January 05
البلد: مصر المحروتة المهروسة
رقم العضوية: 1,345



يبقى نلخص المشكلة عندك في تلات حاجات

الميه و الاستقرار و تملك الارض مستقبلا ثم الامكانيات المادية !!

طيب

الارض اللى هاخدها عندنا في الصعيد ,, و بينها و بين طريق اسيوط الغربي حوالي 2 كيلو
و الشركة مأسسها عائلة واحد صاحبي و تقريبا استزرعوا اكثر من نصف المساحة المخصصة لهم ( 4الالاف و ثمنمائة فدان ) ما بين بيع و زراعة لانفسهم و شوية راحوا هدايا و رشاوي ..... و جابوا 14 موافقة من الجهات المعينة زي الاثار و الدفاع و هيئة مشروعات التعمير و حاجات تاني كتير مش فاكراها ,
و شغالين من سنة 2004

واجهوا صعوبات طبعا في البداية بخصوص البير و الميه الارتوازية الجوفية و صرفوا كتير وجابوا شركات استشارية متخصصة في هذا المجال
و الحمد لله الميه موجودة و من مصدرين .... مياه ارتوازية و مياه من ترعة متفرعة من ترعة الابراهيمية بيسموها ميه مشروع او ميه بحارى و عملوا شبكات ارضية و رئيسية لغاية او كل قطعة ( القطعة 10 فدان )

طلمبات الرفع بتشتغل بالكهرباء لقربها من بلد ارياف

في البداية كان فيه شوية مشاكل من العرب ووضع اليد وتم ترضيتهم و عامل حراسة بتتكون من 8 غفرا

والامكانيات المادية و الحمد لله متوافرة و لكن متردد ما بين تعب المشروع و العائد اللى ممكن يجي منه

و هل ده كارى و لا لأ ,

و ليه تعليق اخير على كلامك ..في العبارة دي " القرش اليومين دول في مصر اعز من الولد "

الفلوس يا ريس دلوقتى متساوش قيمة الورق اللى بتطبع عليه
لازم تشتغل في اي حاجة عشان تحافظ على قيمتها و تجارى التضخم البشع اللى احنا فيه


--------------------
بلدنا في القلوب متشالة
مهما تضيق عليها الحالة





اكتوبر يا ريس صار عتيق ..
و انتصاره فينا عمال يضيق ..

و الشعب تحت الارض خايف يتسجن .
و التهمه انه عاش برىء


-------------------------------------------------------------------



--------------------------------------------------------------
عيوننا إليك ترحل كل يوم

Go to the top of the page
 
+Quote Post
Akrum
المشاركة Feb 27 2008, 02:54 PM
مشاركة #4


عضو مميز
****

المجموعة: Members
المشاركات: 7,111
التسجيل: 11-January 02
البلد: بلاد الله واسعة
رقم العضوية: 2



شوف .. ممكن لو ضامن الجماعة دول يبقي تحاول علي حجم صغير خمسة او 10 فدادين ... ولو علي طريق ممهد يبقي افضل بكثير .. لكون لو اخدت ارض جوه ، هتتبهدل عشان تدخل تقاوي وزرع وخلافه .. ولو قريب من مصدر مياه يبقي احلي واحلي ..لحساب مد مواسير وتمديدات المياه والشبكات والمراوي .. دي لو علي حسابك او الشركة قامت بها وتحدد قيمة تلك المراوي وكلفتها وصيانتها .. المشكلة ان تكلفة المراوي تلك تدفعها لكنها تبقي ملك للشركة !!!. يعني بتبني في ملك غيرك .. او اعتبر انها من ضمن تكاليف الفدان .. يعني ابو 50 جنيه ممكن يرتفع ل 2000 جنيه .. فاهم قصدي طبعا ..

لو مالكش في ازراعة ممكن تزرع شجر موالح او فاكهة او نخيل .. وبينهم ممكن تزرع خضروات او ما شابه .. لكن كله بيتكلف ... انا كنت سمعت ان هناك اراضي في الوادي الجديد الفدان ب خمسين جنيه .. وطبعا هتعمل بير علي حسابك .. يعني ممكن تعمل نفس الفكرة لو لديك حد في العيلة له في الزراعة .. وممكن تكون شركة من افراد العائلة الكبيرة .. التحديات اصعب كما ذكرت خاصة العمولاات والهدايا والرشاوي وكل من هب ودب عايز يطلع بحاجة .. مما تحيل المشاريع لمشروعات ليست ذات فائدة ربحية !!!.

اللي اقصده ان الحال في مصر لا يسر .. وان القرش اصبح عليه صرع من قبل الحيتان اكثر من صغار المدخرين .. وعشان كده حاسس ان هناك من يسعي لينفض جيوب الناس ويحط فلوسهم في جيبه هو بس !!

عامة رأيي ان الاصل هو الارض .. والزراعة اهم نشاط ممكن يقوم به الانسان ...
Go to the top of the page
 
+Quote Post
banboty
المشاركة Feb 29 2008, 06:10 PM
مشاركة #5


عضو مميز
****

المجموعة: Members
المشاركات: 3,276
التسجيل: 23-January 05
البلد: مصر المحروتة المهروسة
رقم العضوية: 1,345



الطريق ممهد الى الارض و عرضه حوالى 3 م و بينها و بين طريق الاسفلت اللى بيروح اسيوط حوالي 2 كيلو

طبعا انا سألت على موضوع الشجر زي الزيتون او البرتقال الصيفي و لكن وجدت ان الشجر بيثمر بعد تلات سنوات من زراعته و لو زرعت تحته او ما بين الشجرة و التانية زرع موسمى زي الطماطم او الفلفل او البدنجان , هيحتاج تكاليف في رعايته ما بين تسميد بلدي او كيماوي و كمان الارض هتدفع لها اقساط نصف سنوية على تلات اقساط. . . فعاوز حاجة تتزرع و تجيب عائد ان شاء الله و خاصة انها ارض بكر علشان نخلص من تمنها ,

اما بالنسبة لشبكة الميه , فهناك فرع ( قطر 2 بوصة ) من الماسورة الرئيسية على راس كل قطعة ( 10 فدان ) و دي موجودة من الاول و على حسابهم اما الخراطيم علشان شبكة الري بالتنقيط فدي اللى هتبقى على حسابي و طبعا هتبقى بتاعتى و الفدان بيتكلف من 2500 الى 3000 الالاف جنيه ....و تمن الميه و الحراسة في السنة للفدان الواحد 400 جنيه بتدفع للشركة ..

و لسه الخزان اللى هتتحوش فيه الميه و ده هيتكلف 10 الالاف جنيه و يكفى عشر فدادين .
و كمان ماكينة الري و دي بحوالى خمسة الالاف .

و تقاوى و كيماوي و سماد بلدي , حوالي خمسة الى سبعة للعشر فدادين ..

و كمان الغرفتين اللى هنستعملهم اثناء وجودنا و دول ممكن يتكلفوا 7 او 8 الالاف , كاستراحة او مخزن او مكان اقامة للمزراع اللى هاجيبه ان شاء الله ...

والموضوع ده هاعمله مع واحد صاحبى و هناخد 10 فدادين في الاول و بعدين عشرة تانيين , و كله طبعا هيتقسم على اتنين , اما بالنسبة للعمالة او الناس اللى هتزرع , فدول ياما

ساعات بييجوا من القرى المتاخمة او ممكن اجيبهم من البلد عندنا ..و دول باليومية

مش شاغلنى الموضوع ده

انا اللى كنت بفكر فيه , التعب والمجهود اللى فوق العادي و خاصة ان المشوار حوالي 70 كيلو و الحر حر و البرد برد على ابوه و تقريبا المشوار ده هيبقى شبه يومي يعنى على الاقل مرتين في الاسبوع ..

عامة , انا اخدت القرار و هندفع المقدم الاسبوع الجاي ان شاء الله

الفدان اتحسب لنا بتسعة الالاف و هندفع 50% و الباقي على تلات اقساط

و كان نظامه في الاساس 75% و الباقي على سنة



--------------------
بلدنا في القلوب متشالة
مهما تضيق عليها الحالة





اكتوبر يا ريس صار عتيق ..
و انتصاره فينا عمال يضيق ..

و الشعب تحت الارض خايف يتسجن .
و التهمه انه عاش برىء


-------------------------------------------------------------------



--------------------------------------------------------------
عيوننا إليك ترحل كل يوم

Go to the top of the page
 
+Quote Post
Akrum
المشاركة Feb 29 2008, 10:42 PM
مشاركة #6


عضو مميز
****

المجموعة: Members
المشاركات: 7,111
التسجيل: 11-January 02
البلد: بلاد الله واسعة
رقم العضوية: 2



النسبة لطبيعة الارض وموقعها .. مش عارف احدده بالضبط .. لكن انت ادري طبعا .. كويس ان هناك طريق مباشر وممهد لأرضك .. وكمان كون ماسورة مياة 2 بوصة دي .. حاسس انها مش كافية لكن لازم تامن خزان لديك وطلمبة بالكهرباء لو متوفرة او مكنة ديزل لتخزين مياة لديك لو قدر وانكسر الخط 2 بوصة ... مثلا .. تركيب الشبكة داخل ارضك ممكن تعملها بمعرفتك باقل من السعر اللي قولت عليه ، لكن لو حد من طرفهم ممكن تزيد حكم ان الشركة بيكسبوا منها وكمان لكونهم متواجدين هناك عكس ما تجيب انت ناس من برة .. الشبكة دي اعمل حسابك ان عمرها الافتراضي حسب نوعيتها بيقي من 2 الي 3 سنين .. وتحتاج لتغيير ..
كما انك لو هتفكر في زراعة موسمية .. عشان تغطي تكاليف الارض ، يبقي اعمل حساب ان شركات وتجار الكيماوي اليومين دول بيلعبوا في سعره وفي ارتفاع مستمر .. انت ممكن تعمل حاجة كويسة .. تزرع نخيل علي حواف الارض .. والنخل ممكن يعطي انتاج بعد سنة حسب عمرها لو كانت 3 سنين يمكن يكون سعره حسب نوعها بين 80 ل 150 جنيه .. للزغلول او بلح سيوة الاصفر .. وهناك نوع فاخر زي البرحي او المجدول .. النخلة ممكن توصل 800 جنيه من نفس العمر ..
وكمان ممكن تزرع زيتون او برتقال وتصبر شوية .. حتي لا تغامر بكل ما تملك ... خاصة ان الامور مقلقة .. لكون هناك تفنن واضح في جابية الضرائب ساري في مصر ... ممكن يفشل اي شيئ بجان فساد اداريي ورشاوي وتعقيدات ممكن تفشل جدوي اي مشروع .. فلا تتوقع ان ما ستنتجه الأرض سيغطي التكاليف ..

فيه فكرة جامدة جيدة مكن تستثمر جزء من الارض في تربية دجاج .. او غنم .. كما انك ممكن تزرع داية برسيم حجازي في كل الارض ويساعد علي تقوية الارض حسب ما سمعت .. وطبعا ده ممكن يدر عائد كويس وسريع .. واهو اللي تزرعه ممكن تيعه كعلف او تربي عليه الغنم .. لحد ما الشجر يطرح ..

الفكرة في حد ذاتها اصبحت ضرورة يجب ان يسعي لها المواطن المصري ، خاصة ان التوجهه العام للدولة هي رفع يدها علي كل حاجة وبيتبع كل حاجة .. يعني كل حي يشوف حاله .. وتلك ابسط الطرق وان كانت مكلفة في ان تستقل وتعتمد علي نفسك .. لتكتفي ذاتيا وتدر دخل يساعدك في تربية اولادك ..

وربنا يوفقك وقد تفلح فيما فشلت فيه يمكن لبعدي عن الارض طوال العام .. لكن في حالتك المسافة مش بعيدة اوي .. وممكن عربية حتي ولو 128 قديمة تفي الغرض .. او سهولة التنقل للارض لتفر مواصلات قد لا تحتاج حينها لسيارة ..

لاتنسي ان سعر الارض يرتفع طالما بدأت الرجل تدب فيها وبدأت تطرح زرع .. واللي قرب المياة والطريق سعرها افضل مما اللي بالداخل .. وهكذا ..
اعتقد انه مشروع حتمي ..يج ان يتوجه له الشباب خاصة اللي قادر علي مصروفاته او لديه اهل ومعارف يفهموا في طبيعة عمله ..




Go to the top of the page
 
+Quote Post
banboty
المشاركة Feb 29 2008, 11:15 PM
مشاركة #7


عضو مميز
****

المجموعة: Members
المشاركات: 3,276
التسجيل: 23-January 05
البلد: مصر المحروتة المهروسة
رقم العضوية: 1,345



البرسيم او الشعير بيحتاج الى الري بالرش مش بالتنقيط , وطبعا ده بتحدد من بداية تركيب الشبكة اذا كنت هتعملها كده و لا كده و بالفعل هما بيغسلوا التربة من الاملاح و صاحبى اللى هناخد منه الارض , زارع 150 فدان شعير و بيرويهم ببتاع كبير كده اسمه بيفوت , و هابقى اجيب صورته بالموبايل لما ابتدى انطلق لهناك ..

اما بالنسبة لاسعار شبكة الميه , فأنا هانزل السبتية و اشوف الاسعار لان الناس بتقول فيه انواع من البلاستيك ما بين الوسط و الغالي و لسه مش محدد اعمله عندهم و لا اعمله بنفسي ..

و هاحاول انى ازرع شجر جازولين من الناحية البحرية علشان يتعمل مصد هواء و في نفس الوقت يتباع بعد كده للجماعة بتوع الفحم , و تكلفة الشجرة بزراعتها حوالي 2 جنيه

انما النخل بصراحة مكلف و مش وقته و لكن اكيد في الخطة بأذن الله





--------------------
بلدنا في القلوب متشالة
مهما تضيق عليها الحالة





اكتوبر يا ريس صار عتيق ..
و انتصاره فينا عمال يضيق ..

و الشعب تحت الارض خايف يتسجن .
و التهمه انه عاش برىء


-------------------------------------------------------------------



--------------------------------------------------------------
عيوننا إليك ترحل كل يوم

Go to the top of the page
 
+Quote Post
zxcvbnm55
المشاركة Mar 1 2008, 04:06 PM
مشاركة #8


عضو جديد
*

المجموعة: Members
المشاركات: 1
التسجيل: 1-March 08
رقم العضوية: 3,574



ممكن تقولى اى معلومات عن موقع الارض و سعرها و طريقة الدفع ووضعها القانونى ونوع التربة لانى عايز اخد ارض فى الحتة دى وازرعه مانجو وجزاك الله خيرا
Go to the top of the page
 
+Quote Post
banboty
المشاركة Mar 2 2008, 09:32 AM
مشاركة #9


عضو مميز
****

المجموعة: Members
المشاركات: 3,276
التسجيل: 23-January 05
البلد: مصر المحروتة المهروسة
رقم العضوية: 1,345



اهلا يا اخونا الفاضل

الارض على طريق اسيوط الغربي الصحراوى حوالي الكيلو 170 من القاهرة ..

طبعا انا مجبتش حد يحلل التربة و لكن الناس بتزرع هناك انواع خضار كتير و فيه ناس جاية من العريش بتزرع كنتالوب , نوع التربة رملية ذات لون داكن شوية

* طريقة الدفع زي ما قلت في مداخلة سابقة ( الفدان اتحسب لنا بتسعة الالاف و هندفع 50% و الباقي على تلات اقساط

و كان نظامه في الاساس 75% و الباقي على سنة )

* اما الاوراق القانونية

فالشركة بتدق في الارض اربع زوي حديد و بتديك إيصال بالمبلغ المدفوع و بعدين تطلع لك بطاقة حيازة برقم القطعة لصاحب الارض . و في حالة بيع القطعة لصالح آخرين بتاخد الشركة 6% من فوق المبلغ اللى دفعته لهم كعمولة .

و بعد ما اصحاب الشركة يستصلحوا كامل المساحة المتفق عليها و المخصصة له من هيئة المشروعات و التعمير ( 4800 فدان )

بترجع تقدر لهم ثمن الفدان ( تقريبا هيبقى 2000 جنيه ) و هوا يرجع يحصلهم من الحائزين , اللى هما إحنا و بعدين تدينا عقود ملكية من الشركة !!

تم تحرير المشاركة بواسطة banboty: Mar 2 2008, 03:00 PM


--------------------
بلدنا في القلوب متشالة
مهما تضيق عليها الحالة





اكتوبر يا ريس صار عتيق ..
و انتصاره فينا عمال يضيق ..

و الشعب تحت الارض خايف يتسجن .
و التهمه انه عاش برىء


-------------------------------------------------------------------



--------------------------------------------------------------
عيوننا إليك ترحل كل يوم

Go to the top of the page
 
+Quote Post
banboty
المشاركة Mar 4 2008, 12:38 AM
مشاركة #10


عضو مميز
****

المجموعة: Members
المشاركات: 3,276
التسجيل: 23-January 05
البلد: مصر المحروتة المهروسة
رقم العضوية: 1,345



النهارده صاحب الشركة قالي انهم وقفوا البيع و الشركة نفسها هي اللى هتستصلح باقي المساحة,



--------------------
بلدنا في القلوب متشالة
مهما تضيق عليها الحالة





اكتوبر يا ريس صار عتيق ..
و انتصاره فينا عمال يضيق ..

و الشعب تحت الارض خايف يتسجن .
و التهمه انه عاش برىء


-------------------------------------------------------------------



--------------------------------------------------------------
عيوننا إليك ترحل كل يوم

Go to the top of the page
 
+Quote Post

13 الصفحات V   1 2 3 > » 
Reply to this topicStart new topic
1 عدد القراء الحاليين لهذا الموضوع (1 الزوار 0 المتخفين)
0 الأعضاء:

 



RSS نسخة خفيفة الوقت الآن: 22nd October 2014 - 05:09 AM